«Հարազատ թշնամի» սերիալում նկարահնվող Տաթև Սարգսյանը երեկ նշել է ծննդյան տոնը. Նա արդեն 22 տարեկան է: ESem.am-ը շնորհավորել է սերիալային դերասանուհուն և ֆիքսել ծննդյան տոնի հիշարժան պահերը:)

Մինչ ծննդյան երեկույթը Տաթևից տեղեկացանք, որ կեսգիշերին առաջին շնորհավորանքը ստացել է մտերիմ ընկերուհուց: «Ավանդույթի համաձայն մայրիկս ինձ շնորհավորեց 00:20-ին, քանի որ այդ ժամին եմ ծնվել,- ESem.am-ին ասաց 22-ամյա դերասանուհին և հավելեց, որ առավոտյան իրեն անակնկալ է մատուցել պապիկը և տորթով ու հրավառությամբ շնորհավորել: -Շատ հաճելի էր, որ պապիկը թոռնուհու համար կարող է նման անակնկալ պատրաստել. միշտ կհիշեմ այդ օրը»:

Սակայն պապիկի մատուցած անակնկալը միակը չի եղել Տաթևի համար. «Առավոտյան մեր տուն նամակ եկավ. սպիտակ թղթի վրա գրված էր՝ «Միշտ ժպտա»: Չգիտեմ, թե ով է այդ անանուն նամակի հեղինակը, բայց շատ հաճելի էր: Ի սկզբանե որոշել էի, որ այս տարվա ծննդյանս տորթը սպիտակ պետք է լինի՝ առանց որևէ գրության: Սակայն, այդ նամակը ստանալուց հետո զանգահարեցի և խնդրեցի, որ տորթի վրա գրեն՝ «Միշտ ժպտա»»:

Արդեն երեկոյան, երևանյան սրճարան-բարերից մեկում հավաքվել են Տաթևի մտերիմ ընկերներն ու գործընկերները՝ նշելու նրա տարեդարձը: Հայտնի հյուրերի թվում են եղել Լուիզա Ղամբարյանը, Լիկա Սալմանյանը, Տաթևիկ Ադումյանը, Իրինա Հարությունյանը, Մարիամ Մելիքյանը և այլք: Երեկոյի ավարտին նրանց է միացել նաև Տաթևի եղբայրը:

Դերասանուհին արդեն հասցրել է ծանոթանալ նաև ծննդյան կապակցությամբ ստացած նվերներին: «Իմ ամենաաբստրակտ նվերը մարդկային այն առողջ հարաբերություններն են, որոնք ունեմ»,-նկատեց դերասանուհին, հավելելով, որ հիմնականում իրեն օծանելիք են նվիրել, Տաթևիկ Ադումյանի կողմից շարֆ ու կոսմետիկ միջոցներ է նվեր ստացել, իսկ Լուիզա Ղամբարյանը ժամանցույց է նվիրել:

ESem.am-ը շնորհավորում է Տաթևին և նորանոր հաջողություններ մաղթում:

 axbyur http://esem.am/news/article/view/1/9214/